Bloggsvæði Steins

Nýtt blog

Fri, 17 Aug 2007 14:52:33 GMT

Kæru vinir. Ég hef ákveðið að færa mig um set og opna nýtt blog á síðunni www.steinnhaf.blog.is

Barnaafmæli

Thu, 16 Aug 2007 01:49:28 GMT

Fór í alveg einstaklega vel heppnað barnaafmæli hjá Finni og Tinnu. Þau eru búin að smíða þennan fína pall þar sem grillaðar voru pylsur. Fullorðnir jafnt sem krakkar voru í góðum gír og átti afmælisbarnið, Hildur Embla aðalsýninguna en mótleikari hennar var Elli. Elli er greinilega besti frændinn.

Umferðin er einungis hálfnuð

Thu, 16 Aug 2007 01:46:21 GMT

Alveg hef ég það á tilfinningunni að sá sem skrifar þessa ágætu grein sé Chelsea maður. Ég hélt allavega að 2.umferð sé einungis hálfnuð og því ekki tímabært að velja mann umferðarinnar.

Ehemm...

Thu, 09 Aug 2007 09:56:25 GMT

Sannleikanum er hver sárreiðastur:klikk:

Þá eiga þær ekki að vera að passa börn

Thu, 09 Aug 2007 09:53:02 GMT

Dagmóðir sem finnst ekkert athugavert við að reykja innan um ungabörn eru einfaldlega ekki hæfar til að hugsa nægilega vel um börn.

Þetta ættu reyndar sumir foreldrar að taka til sín því þó að fólki finnist í lagi að leggja eigin heilsu í hættu ættu þeir þó að reyna að hugsa um heilsu barna sinna.

Latur að skrifa

Tue, 07 Aug 2007 15:29:04 GMT

þar sem ég er latur að skrifa en rekst annað veifið á skemmtilegar og fróðlegar greinar á netinu finnst mér besta mál að deila þeim með ykkur þó að þær séu í sjálfu sér ekki mín eigin ritsmíð. Þess vegna set ég link á þessa skemmtilegu grein á andriki.is http://www.andriki.is/default.asp?art=06082007

Eyjagöng

Fri, 03 Aug 2007 20:50:03 GMT

Af hverju gera þeir ekki bara veg til Eyja. Til að stöðva ekki sjávarstrauma væri hægt að hafa stór rör undir veginum með reglulegu millibili. Nú svo skip þurfi ekki að taka aukakrók væri hægt að hafa brú í miðjunni sem væri nógu há svo skipin gætu auðveldlega farið undir. Þá gætu Vestmanneyjingar keyrt til og frá landi. Það væri hægt að nota svo sem eitt fjall undir þetta mannvirki t.d. Ingólfsfjall. Þá þarf ekki lengur að karpa um ágæti þess og fólk gæti sett deilur niður sín á milli. Nú þar myndi þá koma þetta fína byggingarland fyrir Hveragerði og þeir gætu teygt sig í átt til Selfoss. Þannig gætu gamlir féndur sameinast í einu sveitarfélagi Hveragerðis og Árborgar. Þar myndu enn fleiri deilur verða lagðar niður og sunnlendingar margir hamingjusamari en þeir eru í dag.

Bara pæling

Áhugaverð bloggfærsla

Sat, 28 Jul 2007 17:08:52 GMT

Rakst á afar áhugaverða blogg færslu sem fjallar um blekkingar stjórnmálamanna til að vinna skoðunum sínum brautargengi (commentin eru reyndar líka áhugaverð).

http://sveiflan.blog.is/blog/sveiflan/entry/271710/

Svona eru pólitíkusarnir

Fri, 27 Jul 2007 18:36:54 GMT

Ætli hann hefði látið þetta út úr sér fyrir kosningar???

Þar sem það þykir í lagi að njósna...

Thu, 26 Jul 2007 17:39:23 GMT

Nú hefur Formúla 1 íþróttin hneykslað mig mjög. Þar þykir víst í lagi að njósna um andstæðinginn. Þó að gögn um hönnunarleyndarmál annara liða finnist í vinnuherbergjum þeirra þá er það ekki nóg. Það verður að sanna að þýfið hafi verið notað. Þannig að bankaræningi er ekki sekur nema hann noti peningana sem hann stelur eða réttara sagt að það sé sannað að hann hafi notað þá seðla sem hann stal. Hvað ætli gerðist ef hann notar einungis vextina af peningunum, ætli það sé nóg til að dæma hann.

Hvernig er það með Maclaren, ætli þær hugmyndir sem hafi sprottið af hönnunargögnum Ferrari séu saknæmar eða sleppur bankaræninginn ef hann notar einungis ávöxt þýfisins en ekki þýfið sjálft?

Það virðist hafa nægt Maclaren að mála bílinn vel með gráu og þá er í lagi að hafa stolnar hugmyndir og hönnunargögn annara í stofunni hjá sér.

Það skildi þó ekki verða svo að Maclaren menn skyldu þurfa að éta ofaní sig eigin yfirlýsingar um svindl annara liða.

Kominn tími til

Mon, 23 Jul 2007 17:44:52 GMT

Fínt að geta slakað á í umferðinni og jafnvel lagt sig á löngum ferðum. Þá getur maður unnið á leiðinni í vinnuna og þannig sparað sér tíma þar sem tíminn til og frá vinnu telst til vinnutíma. Nú ef maður er á ferðalagi með fjölskyldunni er hægt að spila á spil, horfa á sjónvarp eða eitthvað gefandi.

Þá verður hugsanlega settur hraðatakmörkun í leiðinni þannig að hraðakstur ætti að vera úr sögunni og umferðarslysum ætti að fækka verulega.

Það er mjög líklegt að bílinn eigi eftir að taka miklum breytingum að innan þar sem fólk getur setið á móti hvort öðru eða í hring þar sem bílinni verður meira félagslegt flutningstæki í staðinn fyrir að þú þurfir að horfa endilega fram fyrir þig. Þá verður miklu meira um einhvers konar afþreygingu inn í bílnum þannig að fólk geti drepið tímann í akstri.

Vona að þetta verði sem fyrst að veruleika

Steikin mengar jafn mikið og heimilisbílinn

Fri, 20 Jul 2007 10:53:45 GMT

Hvaða áhrif myndi það hafa á losun gróðurhúsalofttegunda ef allir gerðust grænmetisætur? Er það kannski lausnin á öllu saman?

Af hverju er verðlag hátt á Íslandi

Thu, 19 Jul 2007 10:47:42 GMT

Það er oft í þjóðfélagsumræðunni að verðlag á Íslandi sé hátt. Þá er verðlagið oft borið saman við erlend ríki og íslenskir kaupmenn dæmdir sem glæpamenn. Þetta er sérstaklega lýsandi fyrir þá bábilju sem samfylkingarfólk og evrópusinnar halda gjarnan fram en þar gerir fólk ráð fyrir því að fyrirtæki verðleggi vörur sínar eins lágt og hægt er svo þeir selji sem mest. Staðreyndin er sú að markaðurinn hefur færst úr því að verðleggja vörur lágt og selja mikið í að fyrirtæki staðsetji sig á einhverri markaðssyllu og verðleggja vörurnar eins hátt og neytandinn er tilbúinn að borga. Þetta er ein ástæðan fyrir því að vöruverð er mjög hátt í ríkum löndum eins og Íslandi, Noregi og Japan. Við getum tekið dæmi um þetta. Ef ég væri pylsusali á góðum stað í borginni og venjulegt verð fyrir pylsu með öllu væri 250kr í kringum mig. Ég gerði hins vegar afar góðan samning og brauðframleiðanda og það kostaði mig ekki nema um 10kr að búa til pylsu með öllu. Myndi ég lækka verðið hjá mér? Ef ég fæ nóg af viðskiptavinum án þess að lækka myndi ég líklega ekki gera það. Ég myndi einfaldlega fá meira í vasann. Svipað gerði stór byggingarvöruverslun fyrir nokkrum árum. Verð á skrúfum lækkaði um helming í innkaupum þegar þeir hættu að kaupa þær í Þýskalandi og keyptu frá ódýrari framleiðanda en verðið hélst það sama. Markaðurinn á Íslandi er einfaldlega lítill og virkar eins og fákeppnisumhverfi og stundum eins og einokunarmarkaður. Hvar í heiminum geta fyrirtæki eins miklar glæsihallir sem starfa á jafn litlum markaði og Ísland er. Rekstarhagfræðin lýsir þessu fyrirbæri mjög vel fyrir þá sem hafa áhuga á að kynna sér það og er til ágæt bók á Íslensku eftir Ágúst Einarsson rektor á Bifröst en upplýsingar um hans rit eru að finna á heimasíðu hans http://www.hi.is/~agustei/Heimasida/cv_islenska.pdf

Hentistefnuáróður í áfengismálum

Thu, 19 Jul 2007 10:47:08 GMT

Myndi neysla Íslendinga á pizzum minnka ef pizzustöðum væri fækkað í einn fyrir hverja áfengisverslun í landinu og sérstakur pizzuskattur sem næmi um helmingi verðs innheimtur fyrir hverja selda pizzu? Ef bann við pizzuauglýsingum væri svo bætt við hvaða áhrif myndi það hafa á pizzuneyslu almennings?

Málflutningur varaformanns samfylkingarinnar er í meira lagi furðulegur og að halda því fram að hátt verð að takmarkað aðgengi hafi ekki áhrif á neyslu áfengis er algerlega úr lausu lofti gripnar og þvert á rannsóknir. Það getur verið hans skoðun að virtir fræðimenn sem hafa rannsakað málið hafi algjörlega rangt fyrir sér en ég hvet hann þá til að kynna sér málið betur. Þetta er dæmigert fyrir óvandaða pólitíkusa sem hefja málflutning sinn á hentistefnu sinni fremur en staðreyndum. Það er afar leitt að sjá slíkar fyrirsagnir hjá fólki sem stjórnar landinu. Það gjaldfellir þingmenn sem starfsstétt í heild.

Danmerkurferðin

Wed, 18 Jul 2007 15:50:54 GMT

Ekkert varð nú úr Himmelbjerget ferðinni minni. Ég var samt sem áður viku í Danmörku og skemmti mér mjög vel. Danirnir eru upp til hópa til fyrirmyndar í umferðinni og afar kurteisir og gestrisnir. Það má þó ekki gleyma íslendingnum bróður mínum sem var þó gestristnastur.

Þar sá ég eitt furðulegasta undur sem ég hef nokkurn tíman séð á ævi minni. Það er sandhóll sem er 250 ára gamall. Hann fauk upp af vestur strönd Danmerkur og færist 8-15 metra á ári austur á bóginn. Hann er um 1 km á breidd og leggur allt í auðn sem hann fer yfir. Slóðin eftir hann er einungis slétt mýri þar sem voru hólar og blómlegur trjágróður áður. Það var alveg magnað að sjá þetta fyrirbæri.